دخولالبوابةبحـثس .و .جالأعضاءالمجموعاتالتسجيلالرئيسية

شاطر | 
 

 تابع الجزء الثالث

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
InLove4Ever
مدير المنتدى
مدير المنتدى
avatar

ذكر عدد الرسائل : 503
العمر : 25
البلد : على ذلك الطريق اللي يسمونه غرام أحباب
ويش وظيفتك؟ : طالب حب
مزاجك عند تسجيلك في المنتدى : Im in love
ويش مزاجك؟ :
الجنس :
الجنسية :
رقم العضويه : 9
النادي المفضل :
تاريخ التسجيل : 15/04/2008

مُساهمةموضوع: تابع الجزء الثالث   الخميس أبريل 17, 2008 5:09 am

في السيارة:
أحمد: متى تخلصين اليوم؟
شيخة: عالساعة 6 تقريبا
أحمد: أووووووووه أقولج اليوم ما أقدر أي أشلج
شيخة: شو أسوي الحين منوه بيردني؟
أحمد: شوفي حد من ربيعاتج و تعالي وياها
شيخة: خلاص بتصرف يلا بااااااااي
أحمد: باي
وشيخة كانت متأخرة وتمشي بسررررعة ومب شايفة حد جدامها وفجأة وبدون قصد دعمة وحدة ويوم صدت تبغي تستسمح من البنية ويوم شافتها بهتت وقالت:آآآ سوري إسمحيلي مب قاصدة يااااا عائشة .
عائشة: هلا شيخة لا عادي مسموحة.
شيخة: اسمحيلي متأخرة على الكلاس بروح
عائشة: مسموحة أقول خلينا نتلاقى في الكافتيريا على الساعة 5 ونص أوكيه؟
شيخة: خلاص عالساعة 5 و نص أشوفج بباي
عائشة: هههههه بباي
وتروح شيخة الكلاس و عائشة عندها بريك و راحت عند ربيعاتها في الكافتيريا
و عقب ما خلصت شيخة كلاساتها تذكرت موعدها و يا عائشة فطوالي راحت الكافتيريا عالساعة 5ونص مثل ما وعدتها ويوم راحت أول ما دشت حصلت عائشة تأشرلها وشيخة راحت صوبها وهي مستحية أول مرة تيلس وياها ويوم وصلت قالت: السلام عليكم
عائشة: هلا والله و عليكم السلام حياج
شيخة: مشكورة
عائشة: شخبارج و شخبار الكلية وياج؟
شيخة: والله تمام الحمدالله
عائشة: ما كنت أعرف أنج معاي في الكلية
شيخة: ههههه ولا أنا أعرف
عائشة: خلاص عيل بنكون مع بعض دايما ولا شو رايج؟
شيخة: لا بالعكس أنا حابة أكون معاج و يسعدني هالشي
عائشة:خلاص عيل.
شيخة: أوكيه
رن موبايل عائشة و شافت طلع منصور فردت عليه
عائشة: هلا منصور
منصور: هلا لعاش أنتي وين؟
عائشة: يلا الحين يايه
منصور: يلا أترياج استعيلي
عائشة: أوكيه دقايق باي
منصور: باي
سكرت عنه وصدت على شيخة
عائشة: شو متى بتخلصين اليوم؟
شيخة: مخلصة خلاص
عائشة: منوه بييج؟
شيخة: مادري بشوف وحدة من ربيعاتي توصلني في دربها
عائشة: أفا تروحين ويا ربيعاتج و أنا موجودة؟ تعالي أنا بوصلج
شيخة: لا عادي ما ودي أكلف عليكم
عائشة: لا كلافة ولا شي يلا قومي منصور يترياني برع
شيخة: لا أستحي من منصور و ما أبغي أتعبه وياي
عائشة: لا عادي يلا قومي
وراحت شيخة ويا عائشة وهي قافطة بس شو تسوي ما عندها حد يوصلها ويوم وصلوا عند السيارة
شيخة: عائشة والله أستحي ما بركب خلاص برايه.
عائشة: لحظة بروح أسأله و بردلج
راحت عائشة وأشرت حق منصور ينزل الجامة.. ويوم نزلها قالتله: منصور شيخة بنت عمي ما عندها حد يوصلها توصلها ويانا؟؟؟؟؟
منصور: حياها خليها تركب
وصدت صوب شيخة أشرتلها عشان تركب وياهم ..
ويوم ركبت( وهي متغشية طبعا ) : السلام عليكم
منصور: وعليكم السلام هلا والله ببنت العم
شيخة: أهلين
منصور: اشحالج؟
شيخة: الحمدالله أنته شخبارك؟
منصور: والله تمام بخير
عائشة: أونها مستحية تركب
منصور: أفا ليش عاد؟
عائشة: مستحية منك تقول ما تبا تعبل عليك
منصور:أفا عليج لا عبالة ولا شي وثاني شي إعتبريني مثل أخوج وإذا بغيتي أي شي حاضرين للطيبين وما يردج الا لسانج
شيخة: مشكور
منصور: العفو
وكملوا الدرب و هم ساكتين و منصور حاط (أنته بحري وأنا اليم) مال يوسف العماني ويتسمعها ويوم وصل بيت عمه عشان ينزل شيخة وقبل لا تنزل شيخة قالت: مشكورين تعبناكم ويانا
منصور: أفا عليج تعبكم راحة
شيخة: تسلم
منصور: الله يسلمج الغالية
ويوم قال هالكلمة تلخبطت ما عرفت شو إتسوي وعقب قالت: إنزين قربوا تغدوا عندنا
عائشة: لا ما عليه مرة ثانية إن شاء الله
منصور: اليايات أكثر إن شاء الله
شيخة: على راحتكم يلا مشكورين مع السلامة
منصور و عائشة: مع السلامة
ودخلت شيخة البيت وراحت الصالة و حصلت أمها ترمس تلفون ويا خالتها مزنة سولفت شوي وعقب ما سكرت:
شيخة: السلام عليكم
مريم: و عليكم السلام
شيخة: شخبارج اليوم؟
مريم : الحمدالله، توني كنت أرمس خالتج مزنة و تسلم عليج
شيخة: الله يسلمها وشخبارهم هناك؟
مريم: تمام إلا أنتي منوه يابج؟
شيخة: منصور و عائشة عيال عمي
مريم: شو؟
شيخة: ترى عائشة طلعت وياي في نفس الكلية وعقب قالتلي تعالي بوصلج و أنا ما عندي حد يوصلني فهي ردتني.
مريم: وحليلهم يزاهم الله خير
وعقب راحت شيخة حجرتها تبدل ملابسها وعقب 10 دقايق نزلت تحت ويلست ويا أهلها وشافت عبود منهد حيله و مبين عليه التعب
شيخة: ها شخبارك الحين؟
عبود: والله هلكــــــــــــــان ولا حمى بعد يايتني
شيخة: يالله عاد كله ولا الحمى الله يعينك
والا أحمد داخل الصالة: السلام عليكم
الكل: وعليكم السلام
أحمد: وشحاااااالكم و علومكم
الكل: تمام الحمدالله
أحمد: شواخي إسمحيلي ما قدرت أييج اليوم
شيخة: لا أفا عليك معذور
أحمد: عيل منوه يابج؟
شيخة: منصور و عائشة عيال عمي
أحمد: شوووووه؟؟؟ كيف؟؟؟
شيخة: الله يسلمك السالفة وما فيها...................................... خبرته السالفة من الالف الى الياء (وعقب)
أحمد: يعني طلعت وياااج في الكلية و أنتي ما تدرين
شيخة: هيه إلا اليوم دريت.

وفي اليوم الثاني:
في حجرة منصور يالس ملان ما عارف شو يسوي خطر على باله يروح بيت عمه.. وبعد تفكير طويييييل قرر يروحلهم.. تلبس وتكشخ ومنصور ما عليه كلام وسيم وطويل وعريض.. والبنات من يشوفنه يتخبلن عليه.. المهم راح بيت عمه ويوم وصل هناك نزل من السيارة ويمشي صوب الصالة ويوم فج الباب تسمر منصور مكانه من اللي شافه وتتم مبهت (ما شايف خير) ...

_________________
°ˆ~*¤®§(*§*)§®¤*~ˆ°
ترى لو للقلوب عيون و لدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك و أنا توي صغير و شاب
و ابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله و بعد الله دخيلك لا تخليني
ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



لا تأسف على غدر الزمان لطالما رقصت على جثث الاسود كلاب
لا تحسبن برقصها تعلو فوق اسيادها تبقى الاسود أسودا والكلاب كلابوا
°ˆ~*¤®§(*§*)§®¤*~ˆ°
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تابع الجزء الثالث
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
درب عُمان :: ¤§][( المنتديات الأدبية ) ][§¤ :: منتدى الــروايــات والـقـصـص-
انتقل الى: