دخولالبوابةبحـثس .و .جالأعضاءالمجموعاتالتسجيلالرئيسية

شاطر | 
 

 الجزء الخامس لكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
InLove4Ever
مدير المنتدى
مدير المنتدى
avatar

ذكر عدد الرسائل : 503
العمر : 25
البلد : على ذلك الطريق اللي يسمونه غرام أحباب
ويش وظيفتك؟ : طالب حب
مزاجك عند تسجيلك في المنتدى : Im in love
ويش مزاجك؟ :
الجنس :
الجنسية :
رقم العضويه : 9
النادي المفضل :
تاريخ التسجيل : 15/04/2008

مُساهمةموضوع: الجزء الخامس لكم   الخميس أبريل 17, 2008 7:10 am

الجزء الخامس

وشيخة وبنات خالتها ركبوا السيارة و أحمد و عواش و لا كأن شي صار .. راحوا البحر ونزلوا يتمشون شوي وعائشة يلست على الرمل أما الباقين فسخوا نعلانهم وراحوا يمشون ويلعبون في الماي وعائشة كل ما ترفع عينها وتشوف أحمد تستحي وتنزل راسها.. تمت شوي وعقب رفعت راسها حصلت أحمد جدامها ومبتسم فبتسمت له ويلس يسولف وياها يخوز عنها الضيجة ويلسوا حوالي ربع ساعة وعقب ردوا البيت وعائشة من ردت إتصلت حق منصور عشان يشلها من عندهم ومنصور ما تأخر عليها وعلى طول شلها وردوا البيت ومن ردوا راحوا حجرهم عشان ينامون



بس عائشة ما رامت ترقد يالسة تفكر بالموقف اللي إستوالها ويا أحمد.. يا ربي أنا شو سويت.. ما عرفت شو أسوي شليت الرقم.. أنزين هو شو بقول عني.. بيقول حشا ما صدقت.. لا أحسن شي أني ما أتصله وأنسى السالفة .. وتعبت من كثر ما تفكر و ما لقت حل للمشكلة وعقب تفكير طوييييل رقدت..



وآمنة من أول ما شافت منصور وهي متخبله عليه وكل شوي تقول شي عنه وشيخة متلعوزة وياها ومتضايجة من حشرتها
آمنة: يا ربي محلالالالالالالالاته يخبل
شيخة: بس أنتي عيب أستحي على ويهج
آمنة: أنزين أنا ما قلت شي
شيخة: من الصبح يالسة تتغزلين في الريال محلاته و مطوله و مغواته و تقولين ما قلتي شي؟ !!
آمنة: أنزين أنا ما قلت شي غلط
شيخة: أوكيه ما قلتي شي غلط بس خلاص سكتي
آمنة: أبا أعرف أنتي ليش إدافعين عنه ليكون تحبينه و أنا ما أدري ها
شيخة إدودهت ما عرفت شو تقول: لا شو أحبه لا أحبه و لا شي
آمنة: أتحرى بعد تحبينه
شيخة: لا تطمني
وعقب تمن يسولفن وآمنة ما راح عن بالها منصور ولا دقيقة كل شوي تتذكر حركاته وسوالفه ومصخرته وضحكته ما خلت شي ما تذكرته عنه و عقب رقدن من تعب البحر..



وبالباجر
عالعصر عائشة كانت ترمس شيخة وعائشة في نفس الوقت تبغي إطرش بطاقة على إيميل شيخة وهي توها بطرش دخل عليها منصور
منصور: أقول لعاش ما شفتي السي دي مالي مال الاغاني؟
عائشة: ما أدري جني شفته في المكتبة اللي في الصالة
منصور: أيوااا و أنتي شو يالسة تسوين على النت؟
عائشة: أطرش حق شيخة إيميل
منصور: ليش شيخة عندها إيميل؟؟
عائشة: هي و أنا يالسة أرمسها على المسن الحين
منصور: و الله؟ أنزين عطيني إيميلها
عائشة: لا والله؟
منصور: صدق والله أتكلم جد ما أتمصخر
عائشة: لا آسفة ما أقدر
منصور: ليش أنزين؟
عائشة:شو تباه تقول عني و أنا ما أباها تاخذ فكرة عني
منصور: والله ما بتاخذ فكرة.. دخييييييييييلج عطيني
وعائشة تشوف أخوها يترجاها و مصر أنه ياخذ الايميل
عائشة: أوكيه بعطيك إياه بس بشرط
منصور: آآآآآمري تدللي
عائشة:أتقولها أنك منصور مب تضحك عليها
منصور: أكييييييييد، أصلا أنا بروحي ما أرضاها لها
عائشة: الحمدالله الحين تطمنت
منصور: لا أفا عليج أطمني و مثل ما يقولون حطي في بطنج بطيخة صيفي بعد.
عائشة: هههههههه أوكيه
كتبتله الايميل على ورقة صغيره وعطتها إياه ومنصور خذ الورقة وطلع وعائشة كملت ويا شيخة وعقب بندت عنها وراحت تيلس ويا أهلها وفجأة يا على بالها أحمد و السالفة اللي إستوت.. ياربي الحين شو أسوي؟؟ توهقت .. ويلست تفكر في السالفة



وشيخة يالسة ويا آمنة و كالعادة حاشرة الدنيا
آمنة: اليوم بييكم منصور؟
شيخة: ما أدري
آمنة: هو كل اليوم إييكم؟
شيخة: أففف لا مب كل يوم
آمنة: يعني متى بييكم؟
شيخة: ماااااااا أدري.. بس خلاص صدعتيني
آمنة: أنزيييييين خلاص سكتنا
شيخة: أقولج شي خلينا نسير تحت أحسن
آمنة: أنزين يلا
وراحوا شيخة وآمنة عندهم تحت ويلسوا يسولفون و عقب حطوا العشاء و تعشوا.. و توه أحمد ناش من العشاء والا ربيعه حميد متصل له
أحمد: هلا حميد
حميد: أهلين شحالك؟
أحمد: الحمدالله إنته شخبارك؟
حميد: والله تمام .. شو ما بتي؟
أحمد: وين أيي؟
حميد: القهوة الربع كلهم متيمعين و يسألون عنك
أحمد: أوكيه خلاص الحين ياينكم
حميد: أوكيه نترياك
أحمد: أوكيه باي
حميد: مع السلامة
سكر أحمد عن ربيعه وترخص من أهله وراح يبدل عشان يروح القهوة عند ربعه وفاطمة تتطالعه وأحمد ما عاطنها ويه



المهم أحمد راح عند ربعه
أحمد: السلالالالالالالالالالالام عليكم جميعا
الكل: و عليكم السلالالالالالالام
سلم عليهم وييلس يسولف وياهم
مايد: وينك أنته ما تبين؟
أحمد: موجود
خليفة: أقول شو رايكم نلعب ورقة؟
الكل: يلا عليهم ورقة؟.. ورقة
ويلسوا يلعبون ورقة واللي يغش و اللي يسرق واللي يخش أوراق
أحمد: ها منوه بيخبص؟
سعود: هات أنا بخبص
وشوي و موبايل أحمد يرن و أحمد شاف رقم غريب أول مرة حد يتصله من هالرقم فرد عالمتصل
أحمد: ألو
عائشة: ألو السلام عليكم
أحمد: وعليكم السلام و الرحمة
عائشة: لو سمحت ممكن أكلم أحمد
أحمد: وياااااااج أحمد خير
عائشة: شحالك أحمد
أحمد: والله الحمدالله أنتي شحالج؟
عائشة: تمام، ما عرفتني؟
أحمد: لا والله منوه الشيخة؟
عائشة: وياك عائشة بنت عمك
أحمد: هلا والله
عائشة: أهليييييييين
أحمد: أقول لحظة شوي
عائشة: أوكيه
أحمد: من رخصتكم شباب
خليفة: وين ما يلست
أحمد: ما عليه باجر بييكم باااااااي
وروح أحمد و ركب سيارته
أحمد: هلا عائشة
عائشة: أهليييين
أحمد: إسمحيلي تأخرت عليج
عائشة: لا عادي
أحمد :سوري والله ما عرفتج
عائشة: لا أفا عليك عادي والله
أحمد: و أنتي شخبارج و علومج؟
عائشة: والله تمام شو مشغوووووووول؟
أحمد: لا والله فاضي ما عندي شي
عائشة: خفت تكون مشغووول و أنا عطلتك عن شغلك
أحمد: لا والله كنت يالس ويا الربع
عائشة: أهااا
أحمد: ها ما ناوية تقولين؟
عائشة: شو أقووول؟
أحمد: اللي مضايجنج؟
عائشة: تبا الصراحة ما أعرف شو أقول
أحمد: أي شي.. اللي في خاطرج
عائشة: مادري أخاف أغثك
أحمد: لا والله لا تغثيني ولا شي قولي
عائشة: الصراحة أنا يالسة أفكر في حالتنا
أحمد: حالتنا؟ كيف يعني ما فهمت
عائشة: يعني زعل أبوي من عمي وزياراتنا لكم بالدس بدون محد يعرف لين متى بنتم على هالحالة
أحمد: ما شي مشكلة ما لها حل.. و إنشالله بتنحل
عائشة: الله يعين
أحمد: أنتي لا تيلسين تفكرين واااااايد و تعورين راسج
عائشة: كيف ما أعور راسي و أنا أشوف أبوي ما هامنه الموضوع ولا على باله؟
أحمد: الله يهديه إنشالله
عائشة: وكل ما سألناه عن السالفة يقول أنتوا ما عندكم غير عم وااااحد و ماااااات
أحمد: ما تعرفين يمكن المشكلة عودة بينهم اللي تخليه يقولكم جيه
عائشة: والله مادري شو أسوي
أحمد: لا تسوين شي و خلي كل شي على رب العالمين
عائشة: ونعم بالله
أحمد: يلا الحين سيري رقدي ولا تفكرين وايد
عائشة: إنشالله و إسمحلي أزعجتك
أحمد: لا والله لا أزعاج و لا شي و متى ما تبين شي أنا موجود
عائشة: مشكور والله ما تقصر يلا مع السلامة
أحمد: نامي ما أباج تفكرين أوكيه؟؟ باي
عائشة: ههههه إنشالله مع السلامة
أحمد: ههههههه مع السلامة
وعائشة عقب ما كلمت أحمد حست برااااااااااحة كبيرة حست أنها طلعت شوي من اللي في خاطرها و أنها لقت حد يسمعها و يساعدها ولبت على طلب أحمد و على طول رقدت..



وشيخة ملالانة و يالسة على النت ترمس ربيعاتها على المسن فجأة شافت أنه واصلنها إيميل ويوم فجته وكانت مكتوبلها" السلام عليكم.. شحالج شيخة وأخبارج؟.. أدري بتستغربين من الإيميل.. وتبغين تعرفين منوه اللي مطرشلج إياه.. وأنا بفكج من الصدعة وبقولج.. الله يسلمج أنا منصور ولد عمج وطرشت لج إيميل عشان أسلم و أطمنج عليج.. وإسمحيلي على الازعااااااج.. مع السلامة"
شيخة مستغربة من الايميل وكيف منصور عرف إيميلها ومن وين يابه فقررت إطرش له إيميل وكتبت فيه" وعليكم السلام.. الحمدالله بخير.. أنته شخبارك؟؟ تبى الصراحة وااااااايد إستغربت من الايميل وخاطري أسألك كم سؤال ويريت تجاوبني بليييييييييييز
كيف عرفت إيميلي.. أو منوه عطاك إياه .. وما في أي إزعاج بالعكس هذا يسعدني
أنا اللي أزعجتك بأسألتي صح؟ و مع السلامة"
ومنصور حزتها كان بعده على النت واستغرب منوه اللي مطرشله في هالوقت ففتحه عشان يقراه واستااااااااااانس أنه من عند شيخة وضحك من أسألته وطرشلها إيميل ثاني في نفس الوقت وكتب لها" هلا والله أنا الحمدالله بخيير.. وإنشالله من عيوووووووني بجاوبج على أسألتج.. الله يسلمج بخبرج السالفة من أولها لآخرها.. مرة كنتي ترمسين لعاش على المسن.. وهي كانت تطرش لج بطاقة.. ما أدري إذا تذكرين والا لا.. المهم أنا دخلت حجرتها عشان أسألها عن سي دي مالي كنت مضيعنه.. وعقب قلتلها شو تسوييين.. قالتلي يالسة أطرش حق شيخة بنت عمي بطاقة و أنا الحين يالسة أرمسها على المسن.. قلتلها ليش هي عندها إيميل.. قالتلي هيه.. قلتلها عطيني إياه.. ما أخبي عليج لعاش في البداية ما طاعت تعطيني إياه.. بصراحة كانت خايفة تاخذين عنها فكرة.. وأن أنا أضحك أو أقص عليج.. بس أنا والله ما فكرت أني أضحك عليج.. بس كنت أبغي أسلم عليج.. وعطني إياه.. توته توته خلصت الحتوته هههههه.. وإذا ما تبيني أطرش خلاص ما بطرش والسموحة منج... باي"
وشيخة طبعا كانت تتريا الرد على أسألتها وما رامت تتطلع من النت لين ما تعرف السالفة وذاك الحين وصلها الرد وقرت المكتوب و تمت تضحك و عقب طرشت
" مشكووور وتسلم عيونك.. هي أذكر ذاك اليوم.. ولا والله ما خذت فكرة ولا شي.. وما له دااااعي تحلف مصدقتنك.. لا والله عادي طرش متى ما تبا ما فيها شي وأتمنى ما نحط هاي الحساسيات من بينا.. وحلوووووووة هاي توته توته خلصت الحتوته هههه باي"
ومنصور مثل حال شيخة يتريا الرد ويوم قراه إستانس وااااااااايد ورد عليها
"الله يسلم غاليييييييييج و أنشالله أكلمج في وقت ثاني لأني برووووووووووووح أنااااااااااااااام.. مع السلامة"
وشيخة قرت الرد وردت على طوول" حيااااااااااااااااك الله في أي وقت.. ونوم العوااااااااااااااااااااافي إنشاالله ومع السلامة"
ومنصور ما قرى ردها لأنه راح يرقد مثل ما قال حق شيخة



واليوم الثاني مزنة و عيالها بيردون بيتهم على المغرب وهم طالعين طلعوا في ويهم منصور وعائشة
وآمنة من شافت منصور ما ودها تروح..
منصور و عائشة: السلالالالام عليكم
الكل: و عليكم السلالالالام
وسلموا عليهم وروحوا قوم مزنة و عيالها و الباقيييين دشوا الصالة
أحمد: و شخباركم بعد
عائشة فهمت أنه يقصدها: تمام الحمدالله
منصور: والله مشي الحال
ومنصور يتطالع شيخة بنظرة و مبتسم وشيخة قااااااااافطة من نظراته و تتطالع و تبتسم
وعقب يسولفوا عن أشياء وااااااااايد و عقب حطوا العشاء.. و عائشة و منصور تعشوا وياهم وعقب روحوا البيت وعائشة راحت تريح في حجرتها ويالسة تكتب يومياتها كالعادة و عقب حوالي ربع ساعة إتصل أحمد وعائشة إستغربت من إتصاله ومستحية منه بس ردت عليه
عائشة: ألو
أحمد: ألو السلام عليكم
عائشة: و عليكم السلام
أحمد: شحالج؟
عائشة: بخير الحمدالله
أحمد: إنشالله دوم مب يوم
عائشة تخربطت من رمسته: وياااااااااك إنشالله
أحمد: ها شو أحسن اليوم؟
عائشة: هيه الحمدالله
أحمد: إسمحيلي دقيت عليج بس كنت حاب أطمن عليج
عائشة: لا والله خذ راحتك
أحمد:أوكيه الحين بخليج ترتاحين مع السلامة
عائشة: على راحتك.. مع السلامة
وأحمد وهو يكلم عائشة يحس بإحساس غريب يحس أنها إنسانه كبيرة و محتاجة للي يسمعها ويفهمها..



و منصور من أول ما رجع من عند عمه على طول راح إييلس على النت يرمس شيخة بلايميلات طبعا.. طرشلها" مرحبا.. شحالج و أخبارج..بس بغيت أطلب منج طلب و يا ريت ما ترديني.. ممكن؟؟"

_________________
°ˆ~*¤®§(*§*)§®¤*~ˆ°
ترى لو للقلوب عيون و لدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك و أنا توي صغير و شاب
و ابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله و بعد الله دخيلك لا تخليني
ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني



لا تأسف على غدر الزمان لطالما رقصت على جثث الاسود كلاب
لا تحسبن برقصها تعلو فوق اسيادها تبقى الاسود أسودا والكلاب كلابوا
°ˆ~*¤®§(*§*)§®¤*~ˆ°
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجزء الخامس لكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
درب عُمان :: ¤§][( المنتديات الأدبية ) ][§¤ :: منتدى الــروايــات والـقـصـص-
انتقل الى: