الجزء الثاني

موضوع: الجزء الثاني الخميس أبريل 17, 2008 5:05 am

الجزء الثاني

و على طول راحت صوب أمها لقتها تطالع التليفزيون و يلست وياها و عقب قالت:
عائشة: أمايا
حمدة: هلا غناتي
عائشة: الريم عازمتني عالعشاء في بيتهم عادي أروح؟
حمدة: هيه عادي بس مب تتأخري.
عائشة: لا ما بتأخر ساعتين بالكثير و رادة.
وراحت طوالي غرفتها وبدلت ملابسها ونزلت وحصلت منصور تحت يغلس على أمه فقالت:
عائشة: تقدر توصلني عند ريم ربيعتي؟
منصور: ما أوصل ببلاش.
عائشة: يالزط خلاص وصلني و بعطيك.
منصور: إذا جي عيل طوفي جدامي يلا.
و في السيارة عائشة تقول حق منصور اللي ناويه تسويه والا لا بس عقب قالت يوم برد البيت بقوله......... المهم و صلت بيت ريم وقالتلها: ريم طلبتج قولي تم.
ريم: تم فالج طيب
عائشة: بغيتج توصليني بيت عمي.
ريم: أستحي أروح.
عائشة: انزين وصليني عند الباب و ردي.
ريم: عيل يلا بس بخليج و برد.
عائشة: أوكيه
بناء عل طلب عائشة راحت ريم توصل عواااش بيتهم و ردت عنها خلتها بروحها وعائشة وهي عند الباب خايفة تدخل ويطردها عمها بس قالت خلني أتوكل على الله و اللي يصير يصير.
في بيت محمد كان يالس مع عياله يسولف معاهم و يدردش وشوي و سمعوا دق الباب
قام أحمد يفتحه ويوم فتحه:
عائشة: السلام عليكم
أحمد: و عليكم السلام
عائشة: عفوا هذا بيت محمد أحمد؟
أحمد: هيه هذا بيته خير في شي؟
عائشة: لا بس ممكن أشوفه؟
أحمد: أكيد حياج تفظلي
عائشة: مشكور.
ويوم دخلت الصالة كل الانظار عليها و في روسهم ألف سؤال و سؤال ، منوه هااي؟ شو تبا؟ من وين طلعت؟ فكسر الهدوء صوت أحمد: أبويه البنت تسأل عنك
محمد: خير يابنتي؟
عائشة:السلام عليكم
محمد: و عليج السلام
عائشة: أكيد ما عرفتني
محمد: الله يهديج كيف بعرفج و أنتي متغشية؟
عقت عائشة الغشوة عشان عمها يعرفها ويوم شافها استغرب وتم يتطالعها و بعدين قالها: هلا عائشة كيف حالج؟
عائشة: الحمدالله بخير.
محمد: تفظلي يا بنتي ليش واقفة؟
عائشة ما كانت متوقعة أنه بخليها تيلس واستانست واااايد ويلست، وعقب ما ظيفوها قالت: أدري يا عمي أنك مستغرب من ييتي لك لين البيت.
محمد: هيه والله يا عائشة ووااااااااااايد
عائشة: الصراحة يا عمي من ذك اليوم وأنا أفكر وكنت حابة أتعرف عليكم لأن أبويه عمره ما قالنا عنكم شي.
محمد: حياج الله يا بنتي في أي وقت ههههههه و أنا الحين بعرفج عليهم كلهم هههه.. الله يسلمج هذا-يأشر على أحمد- ولدي العود أحمد عمره 27 وهذي- يأشر على شيخة- الثانية شيخة وعمرها 20 وهذا الحشرة ههههه - يأشر على عبود- عبدالله وعمره 16 .
والأبو يرمس وكلهم مبهتين ومستغربين منها وعائشة نفس الشعور.. وارتاحتلهم وايد وعقب قالت: مرحباكم وأنا مستانسة لأني عرفتكم أما أنا أسمي عائشة وعمري 23
الكل: مر حبابج..

وكلهم ارتاحولها من أول مرة وعقب السوالف قالت: عمي اسمحلي بغيت أعرف شو سر الظرف؟
محمد: والله يا عائشة أبوج متهمني أني خذت نصيبه من ميراث أخوي الله يرحمه وأنا والله مخلنه عندي لأنه كان مسافر ذاك الحين وقلت بيودهن لين ما يرد من شغله برع ويوم بيرد بعطيه بيزاته بس هو الله يهديه فسره شي ثاني مع أني حاولت أغير تفكيره بس هو الله يسامحه أخوي عنيد وراسه يابس والله يشهد على رمستي هاي..

وعائشة مستغربه من أبوها كيف تفكيره وتعامله مع أقرب وأعز الناس عنده.. المهم يسلت تسولف وياهم قراب الساعة عقب ردت عند ريم على أساس أنها عندها وعقب ربع ساعة يا أخوها منصور يشلها وفي السيارة عائشة طول الوقت سااااااااااكته ولا قالت ولا كلمه حتى منصور إستغرب منها لأنها أول مرة تكون هاديه جيه و يوم سألها شو بلاج قالتله ماشي سكت عنها ويوم وصل البيت ودخلو الصالة:
عائشة: السلام عليكم.
الكل: وعليكم السلام
حمدة: ها شو العزيمة؟
عائشة مرتبكة: زينه وتسلم عليج ريم واااااااااايد
حمدة: الله يسلمها ويسلمج.
عائشة: أمايه اسمحيلي بروح حجرتي ... (صدت على منصور) منصور تعال شوي
منصور عرف أنه فيها شي: أوكيه عواااشي الحين بلحقج.
راحت الغرفة تصلي العشاء ومنصور يلس شوي ويا أمه عقب راح فوق عند عواااش وحصلها يالسة تترياه على الشبريه وقالها:
منصور:خير حبيبتي بلاج؟
عائشة: بغيت أخبرك شي بس لا تعصب أوكيه؟
منصور:ههههههههه ولا يهمج بس أنتي قولي
عائشة:أمممم أخاف
منصور: والله ما بكلج قولي
عائشة: أنا.........أنا.....
منصور: عاشوه تراج طفرتيبي أنتي شو؟
عائشة:الصراحة أنا رحت بيت عمي محمد
منصور منصدم: شوووووووووووه، متى وكيف ؟
عائشة: هههههههه خيبه شوي شوي علي أولا متى: يوم رحت بيت ريم.. أما كيف: خليت ريم توصلني وعقب ريم ردت البيت.
منصور: شو استوا هناك؟ و كيف استقبلوج؟ وشو...............وشو..........وشو..........
عائشة: شوف أنا بخبرك بالتفصيل الممل وما باك تخبر حد
منصور: أفا عليج سرج في بير بس قولي
عائشة: أنا دقيت الباب طلعلي ولده أحمد العود سلمت عليه سألته قتله ها بيت محمد أحمد قالي هي هو.
منصور: أنزين وبعدين
عائشة: قتله أقدر أشوفه قالي أكيد حياج. المهم دخلت والا كلهم يطالعوني لأني كنت متغشيه وعقب أحمد قال حق أبوه أني أنا يايه عشان أشوفه فقالي خير يا بنتي وعقب قتله أكيد ما عرفتي عمي ههههههههههه توقع شو قال؟
منصور: شو؟
عائشة: الله يهديج كيف بعرفج و أنتي متغشيه.
منصور: هههههههاااااااااااااااي ما شاء الله عليج ذكية أونج ههههه عطاج في الويه المهم كملي السالفة.
عائشة: عقيت الغشوة وكلهم مستغربين حتى عمي وأنا ما توقعت اللي سواه
منصور: ليش شو سوا؟
عائشة: قال قعدي ليش واقفة ويوم يلست تم يسولف وياي .
منصور: ما سألتيه شو السالفة؟
عائشة: أصلا أنا رايحه عشان أسأله؟
منصور: إنزين شو جاوبج؟
عائشة: قال أنه أبوي ظالمنه.
منصور: ظالمنه؟ كيف؟
عائشة: أتهمه أنه ماخذ نصيبه من ورث عمي الله يرحمه بس عمي حط البيزات عنده لأنه أبوي كان مسافر ذاك الوقت.. فأبوي فسر تصرفه هذا أنه سرقة ولين الحين.
منصور: قولي والله؟
عائشة: والله العظيم حتى عمي كم مرة حاول معاه بس أبوك عنيد وراسه يابس.
منصور: اتصدقين إرتحتلهم وايد أحسهم طيبين.
عائشة: وايد لدرجة ما تصورها.
منصور: خاطري أزورهم.
عائشة: إنزين روح لهم باجر زورهم
منصور: حلفي أنتي بس أستحي ما أعرف شو أقول
عائشة: شو رايك أنروح مع بعض باجر؟
منصور: ياريت والله بس أمج بتسأل وين رايحين و شو تسون؟؟
عائشة: أوني أنا أبى أروح السوق و ما عندي حد يوصلني غيرج
منصور: والله أنج مخ صراحة
عائشة: بعدك ما تعرف أختك سوسة
منصور: من ناحية سوسة. مب سوسه الا داااااااهية
عائشة: قول ما شاء الله عن تحسدني بعد
منصور: ههههههه ما شاء الله الله و أكبر. المهم خلاص باجر نتفاهم أوكي؟
عائشة: هههههههه إن شاء الله
طلع منصور من عندها وراح حجرته عشان يرقد بس من وين بيي الرقاد قاعد يفكر بباجر واللي بيسوي وشو بيقولون عنه وشو شو بيقولهم؟؟؟ و..........و..................و................ و أسأله واااااااااااااايد في راسه وعقب رقد من كثر ما يفكر.

» أنا الحين رايح أكمل لكم القصة ( الجزء الثاني )
» هذا الجزء الرابع
» الجزء الخامس لكم
» الجزء الثالث
» الجزء الرابع